Wednesday, March 05, 2014

അയാൾ (06/03/2014 )

വീണു കിട്ടിയ ഈരടികളിൽ ചുവടുറപ്പിച്ചു ശ്രദ്ധാപൂർവം അയാൾ പാടിത്തുടങ്ങുമ്ബോൾ ഞാൻ അറിയാതെ നോക്കി, ഒരു കുടുംബത്തിന്റെ വിശപ്പിൽ ഉണ്ടായ സംഗീതം , അതിന്റെ രാഗം ഹിന്ദോളമോ കല്യാണിയോ ആനന്ദഭൈരവിയോ അല്ല.. "പച്ചയായ ദാരിദ്ര്യം", താളം "ആത്മവിശ്വാസവും"... പാട്ടു തീർന്ന ശേഷം അയാൾ ആൾക്കാർക്ക് അടുത്തേക്ക് നീങ്ങി പലരും കാശുകൊടുത്തു ഒടുവിൽ എന്റെ മുന്നിലും അയാൾ വന്നു, ഞാൻ ഒരു പത്തുരൂപ നീട്ടി ..."വളരെ നന്നായിട്ടുണ്ടായിരുന്നു കേട്ടോ.." ഞാൻ പറഞ്ഞത് അയാൾ ചെവിക്കൊണ്ടില്ല. ആർത്തിയോടെ ആ മനുഷ്യൻ അത് വാങ്ങി ഒരു സലാം വച്ചു കടന്നു പോയി . ഒരുപക്ഷെ പ്രശംസ അയാൾ ആഗ്രഹിക്കുന്നുണ്ടാവില്ല, അതല്ലെങ്കിൽ അയാൾക്ക് ഇതൊരു പതിവായിരിക്കും, എന്തായാലും കുറച്ചു നേരം ഞാൻ മറ്റൊന്നും കേട്ടില്ല, അതൊരു തിരിച്ചറിവായിരുന്നു,
നിറഞ്ഞ മനസോടെ, പതിവുപോലെ ഞാൻ ആ എക്സ്പ്രസ്സ്‌ ട്രെയിനിന്റെ തിരക്കേറിയ ശബ്ദത്തിലേക്കു അലിയാൻ തുടങ്ങി...

No comments:

Post a Comment

ദുബായ്...!!

അരവയറിനു വേണ്ടി വളഞ്ഞാടുന്ന സുന്ദരിമാരുടെ നഗരം കൂടിയാണ് ദുബായ്...!!  വികാരങ്ങളും വിചാരങ്ങളും അവർക്കിന്നും സമ്മാനിക്കുന്നത് ഒരു തരം മരവിപ്പ...